Energia eraginkortasuna sustatzeko diru laguntza programa udaletxeetan - 2011. urtea
LAGUNTZA HONEN ESKAERA EPEA AMAITU DA
Deskribapena
AURKEZPEN DATA 2011/11/30erarte LUZATUA
Beraz, diru laguntza programa honen helburu nagusia da EAEko udalerrietako instalazioen energia kontsumoa gutxitzea.
Kanpoko argiteria publikoari lotutako instalazioetan eta eraikin publikoetan energia eraginkortasuna hobetzeko, zenbait neurri edo ekintza aurrera eraman nahi dira diru laguntza programaren bidez. Neurri horiek behar bezala gauzatzeko, udalen eskura behar diren baliabide ekonomiko egokiak jarriko dira.
Onuradunak
Diru laguntza hauen onuradunak hauexek izan daitezke: EAEko udalak, udal elkarteak eta udalen enpresa publikoak edo pribatuak, programa honetan jaso eta arautzen diren jarduerak aurrera eramateko.
Nolanahi ere, diru laguntza jaso dezaketen inbertsio proiektuak Euskal Autonomia Erkidegoan gauzatu beharko dira.
Laguntzaren Zenbatekoa
Arlo bakoitzean diru laguntzaren gehieneko zenbatekoa hauxe da:
1. Kanpoko argiteria publikoa: kostu hautagarriaren %50eraino hel daiteke.
2. Eraikinak.
a. Klimatizaziorako edota ur bero sanitarioa (ACS) ekoizteko instalazioak: kostu hautagarriaren %40raino hel daiteke.
b. Baterako / hiruko sorkuntza instalazioak: kostu hautagarriaren %30eraino hel daiteke.
c. Barneko argiztapen instalazioak: kostu hautagarriaren %35eraino hel daiteke.
d. Inguratzaile termikoa: kostu hautagarriaren %30eraino hel daiteke.
e. Energia monitorizatzeko sistemetarako ekipamendua edota aholkularitza: kostu hautagarriaren %50eraino hel daiteke
3. Ekintza planen prestaketa (PAES): kostu hautagarriaren %75eraino hel daiteke.
4. Beste jarduera batzuk udal instalazioetan: kostu hautagarriaren %30eraino hel daiteke.
Laguntzak Eskatzeko Tokia
Eskabideak EEE/EVEren bulegoan aurkeztuko dira, helbide honetan:
EEE/EVE
Bizkaia plaza eraikina
Urkixo zumarkalea, 36 – 1. solairua
5020 posta kutxa
48011 Bilbo
Honako erreferentzia hau idatzi behar da: ENERGIA ERAGINKORTASUNA SUSTATZEKO LAGUNTZA PROGRAMA UDALETXEETAN. 2011. URTEA
Programa honi esleitutako diru-saila edo aurrekontua hiru milioi (3.000.000) eurokoa da.
Eskabideak aurkezteko epeak 2011ko azaroaren 30era arte iraungo du, edo diru laguntza guztiak eman arte, horretarako dagoen dirua lehenago agortuz gero.
Energia eraginkortasuna hobetzeko, EAEko lurraldean 2011ko urtarrilaren 1etik 2012ko ekainaren 30era arte egingo diren jarduerek jaso dezakete diru laguntza.
Informazio gehiago honako telefonoan: 94 403 56 00